قار یاغیب دیزه کیمی / بوردان تبریزه کیمی…

بو ایل قیش بَللی دیر کی یامان سویوق و برک اولاجاق. هئله پاییزین اورتاسینداییق کی قار یاغماقا باشلاییب و آذربایجانین چوخلو شهرلرینه قار یاغیر. بو گون چاربورجا دا اول‌ده “قوش باشی” سونرا نارین قار یاغدی و بوتون یئرلری آغا بویادی. چاربورج اوشاقلاری‌دا چوخ سئوینیب و ایلین بیراینجی قار گوله‌سین بیر بیرینه آتماغا باشلادیلار. امیدیمیز وار بو یاغینتی‌لارین ادامه‌سی اولا و بو قیش قارلی و سولو قیشلاردان اولا.

carbur qar

قارین یاغماسین بهانه ائله‌ییب قار ایله باغلی چاربورج‌دا ایشلنن بیر نئچه آتالار سؤزون(ضرب المثل) تقدیم ائله‌ییریک:

-قار یاغار آیاق اوشوتمک‌دن اؤتورو

-کهلیک باشین سوخار قارا دئیر بلکه هئچ کیم اونو گؤرمور

-دامی چوخ اولانین قاری‌دا چوخ اولار

-قالان ایشه قار یاغار

بلکه بو یازی‌لاری دا سئوه‌سیز!

3 جاواب

  1. korkut گفت:

    نه قدر جانلی و قارلی بیر هاوایا اویغون اولان بیر شکیل سئچمیسینیز، اوشاقلیق یاشلاریمدا اولان او نوستالوژیک خاطره لر کی نئجه پنجردن قار یاغاراق ائشییین گؤزللیکرینه باخدیقلاریمیزی جانلاندیردی.
    همیشه قار یاغدیغی زامان آرزو ائلردیم کی بیر سیلاحیم وبیرده آتیم اولسون کی آولامایا(شکار) چیخیم.بودا منیم اؤز دویغولاریمداندی کی سیزینله پایلاشدیم.

  2. ahmad گفت:

    منیم ده بؤیوک آرزولاریمدان بیری بودور کی قار یاغایاغا مدرسه میزدن چؤللر ایله یولداشیم بیلال لا بیر کوت کندینه گئدیم. او زامان بیر یول گئتمیشم ایندی ده دادی داماغیمدا…

  3. korkut گفت:

    به به آی دئدین ها، او گیدیپ گله نی نه گؤزل آنلار یاشادیق.اونودولماز بیر خاطره دی احمد بی،بئله گونلردن کیم آرزو ائتمز کی…

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

WordPress spam blocked by CleanTalk.