جانیم…/ قوشاچایلی شاعیر علی اصغر الستی دن بیر شعر
منی ترک ائیلمه سن، اؤللم آماندیر جانیم گوزلرین دوری بری باغ جینان دیر جانیم
گوزلرین باغ جینان دیر هله من باخمامیشام کیپریگین لشکر شراری آتاندیر جانیم
قره لشکر کی سنین گوزلریوی دؤره لییب بئله لشکر ایکی دونیانی قاتاندیر جانیم
سنین آهو باخیشیندان بیلیسن اود تؤکولور تَزه دندن منه باخ بیر منی یاندیر جانیم
من نماز اوسته اولاندا گل او محرابیده دور قیبلم اولسان سن اگر,کعبه هایاندیر جانیم؟!
کعبده یددی دفه دور ویریب اَیلشدین منی اؤز باشیوا مین دور دولاندیر جانیم
من دولانماقلا سنین باشیوا دویمام سندن سن منیم جانیمی آل تا منی قاندیر جانیم
چاغیراندا منی سن جان دئییسن جان آلیسان چیخدی جانیم بو نئجه طرز بیان دیر جانیم؟
سنی هر موقع چاغیردیم منه سن جان دئمه دین جان دیینده الفین هردن اوزاندیر جانیم…!
گؤزومون اوستونه لاییق دییسن ایلشسن اله گول جیسمه بو کیپریکده تیکاندیر جانیم
شهریارین سنه تک سئوملی یاری یوخودو اودور ایظهار ائله دی دونیا یالاندیر جانیم!
آب انگور دئیریک بادَنی مخمور الییر سنی مخمور الیین هانسی سوداندیر جانیم
دور حجابین گؤتو قور مجلیسده قیامت دوشسون بئله عنوانیله خورشیدی اوتاندیر جانیم
منده فردوسی تکین شعنیوی ایغراق المَم سنین او صافی برین گِندن ایاندیر جانیم
علی اصغر الستی چوپلوجه
