حاجی لئیلک بالاسی، محمّدین قئین‌آناسی!
چاربورج‌دا دئییلن بعضی تیرینگه‌لر
تیرینگه، ضرب ایله اوخونان بیر نوع آوازدیر. تیرینگه دئمک تورک فولکلوروندا اؤزل بیر یئری وار. تیرینگه‌نی آنالار و آتالار عزیز بالالارینا و بیر چوخ زامان دا یولداش‌لار بیر-بیریسینه طنز بیر احوالاتدا قوشورلار. چاربورج‌دا دا اؤزونه مخصوص اولان چوخ گؤزل و گولمه‌لی بیر تیرینگه‌لر وار.
– آباذر، دام‌دا گزَر، یاپبا دوشر بئینین اَزَر!
– مَمیلی چال تَبیلی قیز اویناسین، داغ گلینی!
– موصطافا (مصطفی)، میس آفتافا!
– شابانلی‌دا شوربا وار، بیرین یئمیشم بیری ده وار!
– احمد آغا خان‌دی خان‌دی، باخچادا قوش قوواندی، میصری قیلیش (قیلینج) بئلینده، عمیسینه پهلواندی!
– آلیش، قیلیش، توربا قیلیش!
– تاپ تاپان آللاه قولو، چؤرک یاپان آللاه قولو، خانیم دوشوب تندیره گل چیخاد آلله قولو!
– خوداوئردی، کئچی‌لری قوردا وئردی!
– صدام مینیب گامیشا، حاقّی یوخدور دانیشا!
– حاج علی دؤرد جوجه‌لی!
– جیققیلی چیراق دود ائله‌دی، صدامی نابود ائله‌دی!
– جیققیلی کیشی بئش تومن، آروادی اون بئش تومن!
– ایمام قولو، وئر بیزیم پولو، گئدبرم قازان آلماغا!
– گولناز بالام‌دی، تازی تولام‌دی!
– اهبر (اکبر) گلیر آتینان، قوجاقی دولو اوتونان!
– کندلی‌لر، کندلی‌لر، چرشنبه‌نی گتدیلر، بیزی ده پیس اؤوگتدیلر!
– اَلخان آغا هاردان گلیر؟ دووشانلی باغدان گلیر، دووشانی ووروب قولتوغونا، قانی باتیب پالتارینا، گئدین دئیین یارینا، سو قویسون پالتارینا!
– خوشو خالا، تندیری قالا، کَسسووو گؤتور منی قووالا!
– قیزلارخانی فینجانی، گولدورمه‌میش قیرجانی!
– عیزّتدی قَددی، گَنه غنیمت‌دی!
– تولکو توویق آپاردی، سحَره یوویق آپاردی، جامال گلمیشدی قیز قاچیتماغا اَل-آیاغین سوویق آپاردی!
– سولماز خانیم ناز خانیم، بورنو خَکَنداز خانیم، بئش یوزتومن کَبینی، آشقالچی‌نین گلینی!
– ایبا قودوخ، بوینو یولوخ، بوز قودوخ!
– شاغی شاغی یئیر یاغی، گَزر داغی، اَلینده‌دیر سوت بارداغی!
– موغدّم، دم به دم، ائششه‌یه دئیَر هوش دده‌م!
____________________________________
* شابانلی (شعبانلو): چاربورجا یاپیشیق بؤیوک بیر کند
* کَسسوو: تندیر آلت‌لریندن
* شاغی و موغدّم بالا چاربورج‌دا یاشایان ایکی بؤیوک طایفانین آدی‌دیر.
çox maraqlı 🙂
عیسی موسی پیس پیسا قلم دن دوشوب یازیلماییب
موشتولوغون بورج اولسون!
ایسلدیم او آدلاری اولان چاربوجلو یولداشلارین قلبینه گلمیه