گون باتیرسا بیزیم ائلدن دئ کی باتسین – محمد مولاییدن بیر شعر
گون باتیرسا بیزیم ائلدن دئ کی باتسین
اؤزوموز اَل اَله وئرریک ایشیق اوللوق!
روزیگار ایستهسه ساتسین بیزی آز قیمته
قورخما
دئ کی ساتسین
بازار ایچره اؤزوموز قیمته دوللوق!
گولشن عؤمروموزه هر یئل اَسیرسه
دئ کی اَسسین
غمیمیز یوخ!
کؤکوموز بیر-بیریسیله قاریشیب
یئردن اوزولمَز
نه ساراللیق نه ده سوللوق!
هامیمیز هم نفسیق بیز بیلین ائللر
یاشاییشدان باج آلینجا
نه دایاننیق نه یوروللوق…!
چاربورجلو شاعیر محمد مولایی
