چاربورجا بیر توسباغا گلیب!

دونن آخشام چاغی بیر بؤیوک توسباغا چاربورج چؤل‌لرینده یولون آزیب و بیر نفرین ائوینه تپیلمیشدیر. ائوین اوشاقلاری حسن و حسین بو توسباغادان بیر نئچه عکس سالیب، سونرا اونو چؤله قایتاریب و چاربورج دهنه‌سینه (بؤیوک سو آرخینا) بوراخیبلار. آنجاق هئچ معلوم اولماییب بو توسباغا ندن شهره ساری گلمیشدیر. چاربورج چؤل‌لری جیغاتی چایینا یاخین اولدوغونا گؤره و اورادان بؤیوک دهنه (آرخ) ایله سویون گلمه‌سینه خاطیر قدیم زامان‌لاردان توسباغالارا یاشام یئری اولوب. و شهرین مشهور “زینه‌بره” کانالیندا ایندی ده توسباغا یاشاییر.