چاربورج‌دا دئییلن قارقیش‌لار!
آللاه او گونو گتیرمه‌سین کی بیر نفر آداما قارقیش ائله‌سین. اؤزللیک‌له اگر او اینسان آدامین آتا یا آناسی اولا. چون دئیرلر آتانین قارقیشی آدامی تئز توتار.
بعضن اوشاق‌لار اؤز آتا- آنالارین او قدر جانا گتیریرلر کی اونلار اورک‌دن ده اولماسا اوشاق‌لارینا قارقیش ائلمه‌یه باشلاییرلار.
چاربورج‌دا بئله بیر اینام وار کی آنانین قارقیشی اوشاغین توتماز چونکی آنانین اوشاغینا وئردیگی سود بو ایشه مانع اولار. هر حالدا قارقیش ائله‌مک چوخ یاخجی بیر ایش اولماسا دا اوندا اولان یئرلی-کؤکلو کلمه‌لر چوخ گؤزل‌دیلر.
آشاغیدا چاربورج خالقی‌نین ایچینده قدیم زامانل‌اردان ایندی‌یه کیمی ایشله‌نن بیر نئچه قارقیشی گتیریریک:
توفاغین داغیلسین!
ایگید آرخان یئره دَیسین!
دوشمن قاپیسیندا مله‌یه‌سن!
توی قویونووی قورد بیداسین (بوداسین)!
ایگید اؤله‌سن!
آللاه شیطانیوا قووات وئرسین!
بوینون باتسین!
ائوین ییخیلسین!
آج اولاسان / آج اؤله‌سن!
امه‌یین زای اولسون!
کؤکون کسیلسین!
اؤله‌سن اَرییه‌سن!
بئ داوا درده دوشه‌سن!
امیرین گونون یانسین!
سنی گؤروم ویرقین ویرسین!
یاخان اَل‌لرده قالسین!
اَل قاپ اولاسان!
اوره‌یین چارلی-چارپاز یانسین!
آللاه قاباغیوا دورو سو آخیتماسین!
اَلین خمیر، قارنین آج اولسون!
یانامییاسان!
آرزین گؤیلونده قالسین!
سنی گؤروم بیلدیینجه چکه‌سن!
آللاه بئلیندن وورسون!
بویونو یئره سوخسونلار!
ایل باشینا قالمییاسان!
تاپمییاسان!
اَل آچاسان!
اؤد قوساسان!
بویا-باشا چاتمییاسان!
یئدیگین چؤرک بورنوندان گلسین!
عایبیوی قره یئر اؤرتسون!
قابیرقان سینسین!
پیس گونه قالاسان!
گیزیریک ایینه دوراسان گؤره‌سن بالان یانیر!
ایستکلی بالان اؤلسون!
سون‌سوز اؤله‌سن!
قاباغیوا خئییر چیخماسین!
ائله درده دوشه‌سن دردیوه درمان تاپیلمییا!
قفیل سانجی توتاسان!
آغارمییاسان!
آغاریب آرتمییاسان!
عزیزین اؤلسون!
ایکیویزین سویوز بیر قویولسون!
ایکیویزی بیر سویا توتوم!
اوره‌ییوین باشی یانسین!
خونچان قره بویانسین!
خونچان دالی قاییتسین!
الین خینا توتماسین!
توی خیناوی یئل آپارسین!
اوزون گولمه‌سین!
جیاریوین باشی یانسین!
امجکیوی قاپا قاپا قالاسان .
مشکین قارقیشی.
منجه «یانامییاسان» همن «یارامییاسان» سؤزودور. البته فولکلور ییغما تمللرینه گؤره، سؤزلر چاربورج لهجه سینده یازیلمالی دیر، فقط مؤعتریضه آراسیندا مکتوب فورماسی دا یازیلمالی دیر. بئله:
یانامییاسان (یارامییاسان).
«قوشاچای جوهودلری فولکلورو» تورک ادبیاتینین زنگین اؤرنکلریندن دیر. تأسوف ایله بو زنگین ادبی اؤرنک لر هئچ واخت ثبت اولونمادی. کنایه ایله سؤیلنمیش بو قارقیشلارین آنلامی راحاتجا چؤزولمز! آشاغیدا وئردیغیم اؤرنکلر بو کاتئقوری یه عاییددیر:
پالتار یوواسان تیکه سیز، چؤرک یاپاسان کؤکه سیز!
اوجالاردا گئده سن!
کوچه لر دولوسو گئده سن!
«قوشاچای جوهودلری فولکلورو» تورک ادبیاتینین زنگین اؤرنکلریندن دیر. تأسوف ایله بو زنگین ادبی اؤرنک لر هئچ واخت ثبت اولونمادی. آشاغیدا وئردیغیم اؤرنکلر بو کاتئقوری یه عاییددیر:
پالتار یوواسان تیکه سیز، چؤرک یاپاسان کؤکه سیز!
اوجالاردا گئده سن!
کوچه لر دولوسو گئده سن!
قارقیشلارین نه درجه ده کنایه ایله سؤیلنمه سی ماراقلی دیر!