گولشمک چاربورج جاوانلارینین قدیم زامانلاردان قالان تفریح لری
تورک میللتی نین ایچینده تفریح و شادلیغین چوخ مهم بیر یئری واردیر. بونا خاطیردی کی بو مییللتین هر میللت دن چوخ اوشاقلارا و بؤیوک لره جوربه جور اویونلاری وار. بو ایونلاردان بیری ده گولشمک دیر. گولشمک چوخ ساده بیر اویون دور و ایندیکی گولشمک(کشتی توتماق) کیمی امتیازی دئییل. بو گولشمک ده رقیبین بئلی یئره گلسه مسابقه قورتولور و ایونو بئلی یئره گلن شخص اودوزور. قدیم زامانلار، گولشمک چاربورج خالقینین آراسیندا بیر ورزش کیمی یوخ، بلکه بیر میللی و آیینی اویون کیمی اجرا اولاردی. قدیم زامانلار گوجلو اینسانلار و پهلوانلار آیری کندلردن چاربورجا گلیب مئیدان گزدیریب و حریف ایسته ردیلر. چاربورج جاوانلاریندان بیری قاباغا گئدیب اونونلا گولشردی کی اگر گولشمه یی اوتسایدی غریبه دن گلن گولشچی قویوب گئدردی. آما اگر اویونو اوتوزسایدی خالق ییغیشیب غریبه گولشچی یه بیر خلعت وئریب اللرین دالیسین یئره چالاردیلار. بوندان علاوه گولشمه یین اصلی یئری تویلاردا اولاردی. چاربورج جاوانلاری دوست-قوهوملارینین تویوندا بیر بیری ایله گولَشیب و بی آناسیندان خلعت آلاردیلار. رحمتلیک میرزه عمی و محرم عمی چاربورجون لاب یاخجی گولشن لریندن ساییلاردیلار.
تویلاردا گولشمه نین بیر بام باشقا هاواسی وار او چالیناندا(زورنا و بؤیوک قاوال)باخ آدام او گولشمک قایدالاریندا بیلمسه ،ایستر ایسته مز یئرینده دوردوغو زامان هیجان دان گولشمه یه چاپا گؤستریر
دوزدور بی. او هاوانی قوزویا چالسان قورد، دان دده مالی ایستر!