اوزوم تورباسی

پارچادان توربا تیکیب و حَیط‌ده کی مؤو آغاجلارینین اوزوم لرین او توربایا سالماق چاربورج خانواده لرینین بیر گؤزل رسم لریندن دیر.

بو توربا اوزوم سالخیملارین قود -قوشلارین یئمه یینین و هابئله طبیعی هاوانین سویوقلوقوندان اماندا ساخلاییر.

بونو آرتیرمالیق کی آذربایجانیمیزدا نئچه جوره مؤو آغاجی وار و اؤزونه لاییق آدی  : کیشمیش – قارا اوزوم -ساحابی -خلیلی -فاخری – حسینی-دسته چین – قیرمیز اوزوم  و هابئله قیزیل اوزوم .

هر کیمسه ایستر حیطینه قیزیل اوزوم اکسین نیه کی بوتون اوزوم لرین ایچینده قیزیل اوزومون قالارگیسی یئتیشندن سونرا چوخ اولار .مؤوین یارپاقلاری سولار تؤکولر آما قیزیل اوزوم  ساخلیمی سالیم قالار.

هر ایل پاییز فصلی گلنده چاربورج لو قاناچی لار اوزوملرین باغلاردان ییغیشدیراللار آما هرکیمین حیاطیندا مؤو  آغاجی اولسا اونو درمز بلکه اونو بیر گؤزل توربایا سالیب و پاییزین آخیر آیی (آذر آیینا) ساخلاییب و بو آیدا هر گئجه اونلاردان بیر ساخلیم دریب وبوتون خانواده بیر یئره ییغیشیب و اونو خوشلوقلا ییرلر .

و هابئله او توربا اوزوم لریندن ایلین اوزون گئجه سینه ده (چیلله گئجه سینه ) ساخلایارلار !