اون سکگیز مین عالمین سلطانی دیر/ آدی گؤزل، اؤزو گؤزل محمد(ص)
پیغمبریمیز محمد امین(ص) و ایمام جعفر صادق(ع) ین آنادان اولان گونون بوتون دونیا مسلمانلارینا تبریک دئییب و بؤیوک تانری دان هامی اینسانلارا مخصوصا عزیز مسلمان باجی- قارداشلاریمیزا باریش، سئوگی و رحمت دیله ییریک.
مومن اولانلارین چوخدور جفاسی
آخرت ده اولور ذوق و صفاسی
اون سکگیز مین عالمین مصطفی سی
آدی گؤزل، اؤزو گؤزل محمد(ص)
یئددی قات گؤیلری سئیران ائیله ین
کورسونون اوستونده جولان ائیله ین
معراجیندا امّتینی دیله ین
آدی گؤزل، اؤزو گؤزل محمد(ص)
سن حق پیغمبرسن شک سیز گومان سیز
سنه اویمایانلار گئدر ایمان سیز
عاشیق “یونس” نئینر دونیانی سن سیز
آدی گؤزل، اؤزو گؤزل محمد(ص)
یونس امره ( 639-هجری)
