“آذربایجانا سو اولمایان گؤل، باشقالارینا چؤرک اولدو”

نادر قاضی چور - نماینده اورمیهاورمیه نماینده‌سی نادر قاضی‌پور، مجلس‌ده اورمیه گؤلو حاقّیندا دانیشدی.

قاضی پور، مجلسین آچیق اوتوروموندا (علنی نشستینده)، نیرو وزیرینه خطابا دئدی: “مجلیسین اورمو گؤلونه آییردیغی بودجه‌لر آللاه بیلیر هاردا خرجله‌نیب. ممکن اولان هر یول‌لا اورمو گؤلونو قورتارما بهانه‌سیله اورمیه‌ده اقتصادی فعالیت‌لری مانع اولورسوز”.

قاضی‌پور سؤزلری‌نین داوامیندا سوروشدو “بوگونه قدر وارلی‌لارین بیر استخرینی باغلادیز می؟ یا دا بیر دنه تالابی نجات وئردیز می؟”

اورمیه نماینده‌سی، “سیزین وزارت دؤنمینده اورمیه گؤلونون سویونون آزالماسی من و آذربایجان نماینده‌لرینی نگران ائله‌مه‌مه‌لیدیر می؟ سیز خالقین حس‌لری ایله اویناییرسیز. قدیم‌کی‌لرین دئدیگی کیمی، اورمیه گؤلو آذربایجانا سو اولمادی آنجاق باشقالارینا چؤرک اولدو. گئچمیشده اورمیه گؤلو مسئله‌سی‌نین محلی مسئله اولدوغو دوشونولوردو، معلق دوز پارچاجیقلاری (ریزگردهای نمک) اورتایا چیخینجا بو موضوع جدی‌لشدی. بو پارچاجیقلار هله تهرانا یئتیشمه‌دی، یوخسا بو مسئله چوخدان حل اولموشدو” دئدی.

آرتیرماق لازیم‌دیر کی نادر قاضی پور اورمیه‌نین اصول‌گرا نماینده‌سی، آذربایجان مسئله‌لری اطرافیندا کسکین چیخیش‌لاری و ایتی انتقادلاری ایله مشهوردو.

بلکه بو یازی‌لاری دا سئوه‌سیز!

4 جاواب

  1. گؤروش گفت:

    ساغولسون جناب قاضی‌پور/ کاش آذربایجانیمیزین داهی نماینده‌لریده قاضی‌پورا تای اولاردیلار

  2. tuncay گفت:

    چوخ بتر سوز دییب

  3. انشاله خبر های خوشی در آینده در راه است…

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *