بو ائو تکجه بیزیم دئییل! (2)
گئچَن‌لرده یوخاری‌داکی تیتر ایله اوجاق سایتیندا بیر عکس و مطلب یاییلدی. بو عکس بیر حاجی لئیلک‌دن سالینمیش‌دی کی بیر گؤیجه‌لی خانوادهنین قاپی‌سیندا یووا قورموشدو.
آما ایندیکی بو قارانقوش‌لار بیر قات حاجی لئیلک‌دن یوخاری گئدیب و بیر شاه‌آبادلی خانوادهنین ائوینده یووا سالیب. بو ائو کی ایندی توکان عنوانیندا استفاده اولور، چاربورجون یاخین‌لیغیندا شاه‌آباد (شاباد/ شابات/ اسلام آباد) آدیندا بیر کندده، بیر کیشی‌نین توکانی‌دیر.
قدیم زامان‌لار چاربورج‌لولارین یاشادیغی قاپی-باجادا مختلف حیوان‌لارا دا یاشاماق امکانی اولاردی. او جمله‌دن چاربورج‌لولارین حَیَطینده پیشیک‌لر، قارانقوش‌لار، سئرچه‌لر، زیغیرچیق‌لار، و حتی حاجی لئیلک یووا سالیب اونلارلارا بیرگه یاشاردی. آما ایندی بیز یانیمیزدا اؤزوموزدن باشقا هئچ بیر حیوانین یاشاماغین تحمل ائله‌یه بیلمیریک. گؤره سن بیزه نه اولوب!؟
