چاربورج‌دا حیوان‌لارلا باغلی اینام‌لار

حیوانلار: قورد - تولکو - بایقوش - قجله - دووشانقورد و تولکو: هر ایکیسی اوغورلو حیوان‌لاردان ساییلیر. گئجه چاغی بیر یولچونون قاباغینا قورد چیخسا، اونون سفری اوغورلو و خطرسیز اولاجاق.

تولکو چوخ بیلمیش‌لیگین سمبل‌ودور. قدیم زامان‌لار قیش فصلینده جیغاتی بوز باغلارمیش و چاربورج خالقی، یاخینلیق‌دا کؤرپونون اولمادیغینا گؤره جیغاتی‌دان کَل آرابالارین اوتایا کئچیرتمه‌یه بوزون اوستوندن کئچرمیش‌لر. آما بو ایش چوخ دا ساده دئییلمیش. چونکی هر آن بوزون سینماق خطری اولارمیش. بو ایشی امنیت ایله گؤرمه‌یه چاربورج‌لولار جیغاتی‌نین یانیندا گیزلنیب تولکو گودرمیش‌لر. تولکو گلیب جیغاتی‌نین بو تاییندان او تایینا کئچسه‌یدی هامی سئوینیب دئییرمیش‌لر  تولکو جیغاتی‌دان کئچدی داها کَل آرابا دا کئچر. هامی تولکونون کئچمه‌یینه امین اولوب جیغاتیدان آرخایین‌لیق ایله کَل آراباسین کئچیردرمیش‌لر.

قورد دوغما زامانی: چاربورج خالقی‌نین آراسیندا بئله بیر اینام وار کی هر زامان گون چیخا-چیخا یاغیش یاغسا اوندا بیل کی قورد دوغور.

قورد اَلی‌نین شفاسی: چاربورج‌لو آنالارین آراسیندا بئله بیر اینام وار کی هر کیمین اعصاب ناراحاتلیغی اولسا و یا بیر خانیم‌ین دؤشونده ناراحاتلیق اولسا (دؤشو گلسه) اونو قورد اَلی ایله دیسگیندیرسن تئز ساغالار. بئله کی قوردون اَلین بیر نئچه دفعه او شخصین دؤشونه چیرپیب بوراخارلار. (توضیح: بو اینام ساده‌جه تورکلرده دئییل، باشقا میلّت‌لرده ده وار. بو اینام قورد و بعضی باشقا نادر حیوان‌لارین توتوب اؤلدورمه‌سینه سبب اولدوغو اوچون منفی اینام ساییلا بیلر. بو باورین عملی اولماسینا مانع اولماق لازیمدیر.)

بَی‌قوش (بایقوش): بَی‌قوشا گؤره ایکی فرقلی اینام وار. بیر ائوه دوشَر دئیَرلر، بیر ائوه دوشمز دئیرلر.

بیر چوخ‌لاری‌نین باخیشیندا بَی‌قوش اوغورسوز بیر حیوان‌دیر. او بیر کَسین قاپیسینا گلسه، بئله بیر اینام وار کی پیس بیر خبر گَتیریب. بونا گؤره ائو آدام‌لاری بَی‌قوشا آینا (گوزگو) گؤرسَدَرلر کی گتدیگی اوغورسوزلوق اؤزونه قاییتسین. بَی‌قوش خرابه‌لیک سئور و همیشه آرزو ائدر کی بوتون آبادلیق‌لار خارابا دؤنسون.

آما بَی‌قوش بیر آیری اینامدا تانری یانیندا چوخ دیَرلی و حتی قوتسال بیر قوش کیمی تانینیر. بو باره‌ده چاربورج خالقی بئله دوشونور کی بَی‌قوشا متعال آللاه مخصوص بیر روزی یئتیرَر. بئله کی هر گون 3 دنه سئرچه آللاهین امری ایله بَی‌قوشا یاخینلاشار تا بَی‌قوش بونلاری توتوب یئسین. بَی‌قوش سئرچه‌لری توتاندا سئرچه‌لر یئرلرینده دوروب هئچ یانا قاچمازلار.

دووشان: آمان آمان بو دووشانین الیندن! اوغورسوز بیر حیوان ساییلیر. دئییرلر هر یولچونون قاباغینا دووشان چیخسا اونون قاباغینا خیر چیخماز. دووشان قورولوق سئور و هر زامان دوشان ایلی (مغول‌لارین 12 حیوانلی تقویمی اساسیندا) گلنده چاربورج اکینچی‌لرینه قورخولو و سوسوز بیر ایل تداعی اولا بیلر.

قجَله: چاربورج خالقی‌نین اینامیندا قجَله خوش خبرلرین جارچی‌سی‌دیر. قجَله بیری‌نین ائوینه یا دامی‌نین اوستونه قونسا حتما بو ائو آدامی‌نین بیر خوش خبری یولدان یئتیشه‌جک. چوخ زامان قجله بیر اوزون سفره گئدن مسافرین گلمه‌ییندن خبر وئرر. چاربورج‌لو آنالارین ائوینه قجله گلسه پنجره‌دن ائشییه باخیب قجله‌یه دئیَرلر: “خوش خبر اولاسان.”

بلکه بو یازی‌لاری دا سئوه‌سیز!

7 جاواب

  1. ایلدرم گفت:

    سوسای (راسو)چهاربرجدا چوخ چوخالوب

  2. دبیر گفت:

    چرافقط عکس روباه و جغد والاغ
    عکسی هم از میلاد امام رضا نداشتی

    • ocaq گفت:

      شما با نامهای مختلف کامنت می‌گذارید و کلا رویکرد منفی دارید و به نظر دنبال فتنه انگیزی هستید. الان هم سعی در سوء استفاده از مذهب دارید. نترسید، ما هم مسلمان هستیم. خیلی هم مسلمان‌تر از امثال شما.
      این روش‌ها نخ نما شده، پس انرژی خود را هدر ندهید.

  3. همشهری گفت:

    ﺍﯾﻤﺎﻡ ﺭﺿﺎﻧﯿﻦ ﻣﯿﻼﺩ ﺑﺎﯾﺮﺍﻣﯽ ﺑﻮﺗﻮﻥ ﻣﻮﺳﻠﻤﺎﻧﻼﺭﺍ
    ﻣﻮﺗﻠﻮ ﺍﻭﻟﺴﻮﻥ
    ﺍﯾﻤﺎﻡ ﺭﺿﺎ ‏( ﻉ ‏) ﺑﻮﯾﻮﺭﻭﺭ : ‏( ﻟَﻴْﺲَ ﻣِﻨّﺎ ﻣَﻦْ ﻏَﺶَّ ﻣُﺴْﻠِﻤﺎ
    ﺍَﻭ ﺿَﺮَّﻩُ ﺍَﻭ ﻣﺎﻛَﺮَﻩُ ‏)
    “ ﻣﻮﺳﻠﻤﺎﻧﯽ ﺁﻟﻼﺩﺍﻥ،ﺍﻭﻧﺎ ﺿﺮﺭ ﻳﺌﺘﻴﺮﻥ ﻭ ﺍﻭﻧﺎ ﻗﺎﺭﺷﯽ
    ﺣﻴﻠﻪ ﺍﻳﺸﻠﻪﺩﻥ ﮐﺴﻠﺮ ﺑﻴﺰﺩﻥ ﺩﺋﻴﻠﻴﻠﺮ ”!
    ﺍﻳﻨﺸﺎﻟﻼﻩ ﻫﺎﻣﻴﻤﻴﺰ ﺍﻳﻤﺎﻡ ﺭﺿﺎ ﺍﻳﺴﺘﻪﻳﻦ ﺗﺆﻭﺻﻴﻪﻟﺮﻩ
    ﻋﻤﻞ ﺍﺋﺘﻤﮏ ﺍﻳﻠﻪ ﺍﻳﻤﺎﻡ ﺑَﻴَﻨﻦ ﺁﺭﺩﻳﺠﻴﻠﻼﺭﻳﻨﺪﺍﻥ
    ﺍﻭﻻﺭﻳﻖ
    ﺍﯾﻤﺎﻡ ﺭﺿﺎ ﺻﻠﻮﺍﺗﯽ : ‏(ﺍﻟﻠﻬّﻢَ ﺻَﻞّ ﻋَﻠﻲ ﻋَﻠﻲ ﺑﻦْ
    ﻣﻮﺳَﻲ ﺍﻟﺮّﺿﺎ ﺍﻟﻤﺮﺗَﻀﻲ ﺍﻻﻣﺎﻡِ ﺍﻟﺘّﻘﻲ ﺍﻟﻨّﻘﻲ ﻭ
    ﺣُﺠَّّﺘﻚَ ﻋَﻠﻲ ﻣَﻦْ ﻓَﻮﻕَ ﺍﻻﺭْﺽَ ﻭ ﻣَﻦ ﺗَﺤﺖَ ﺍﻟﺜﺮﻱ
    ﺍﻟﺼّﺪّﻳﻖ ﺍﻟﺸَّﻬﻴﺪ ﺻَﻠَﻮﺓَ ﻛﺜﻴﺮَﺓً ﺗﺎﻣَﺔً ﺯﺍﻛﻴَﺔً ﻣُﺘَﻮﺍﺻِﻠﺔً
    ﻣُﺘَﻮﺍﺗِﺮَﺓً ﻣُﺘَﺮﺍﺩِﻓَﻪ ﻛﺎﻓْﻀَﻞِ ﻣﺎ ﺻَﻠّﻴَﺖَ ﻋَﻠﻲ ﺍَﺣَﺪٍ ﻣِﻦْ
    ﺍﻭْﻟﻴﺎﺋِﻚَ

  4. یئرکوکی گفت:

    چوخ دا جالیب،
    آمما بیلمیرم بو بی‌ربط کامنت‌لر ندی

  5. رشدیه گفت:

    ای تظاهر کننده بر اسلام
    ترسم که اسلام کنی بد نام

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *