چاربورج‌لو فوتبال اویونچوسو رضا سلامی تراختور’ون نوجوان‌لار تیمینه یول تاپدی
رضا سلامی رحمتلیک فریدون سلامی‌نین اوغلودور. رحمتلیک فریدون عمی‌نی تانیتماق لازیم دئییل. او هامی چاربوج‌لولارا و حتی ایرانین فوتبال سئون‌لرینه مشهور و تانینمیش بیر آدام اولوب. او ایرانین میلّی داورلریندن بیریسی ایدی کی لیگ‌برترده قیضاوت ائله‌میشدی. او چوخ ائلدار و محبتلی بیر اینسانیدی. آما نه یازیق کی منطقه‌نین غیر استاندارد یول‌لاریندا بیر تصادف نتیجه‌سینده دونیایا گؤز یومدو. آللاه اونا رحمت ائله‌سین.
اونون اوغلو آتاسی‌نین یولونو یاریمچیلیق قویمادی و ورزش ساحه‌سینده و مخصوصا دروازه‌بان‌لیق پستوندا چوخ چالیشیب و نتیجه‌ده تراختور تیمی‌نین نوجوان‌لار تیمینه یول تاپدی.
بیز ده اوجاق سایتی طرفیندن بو موفقیّتی رضا بی و خانواده‌سینه و بوتون چاربورج‌لو فوتبال سئون‌لره موبارک اولسون دئییریک. اینشالله کی رضانین آیاق‌لاری یونگول اولوب و سبب اولا کی چاربورج‌دان چوخلو اویونچولار بئله بیر تیم‌لرده اویناسینلار. بیزجه چاربورج جاوان‌لاریندا بو باجاریق و استعداد وار، فقط گرَک اؤزلرینه اینانسینلار.
گون او گون اولسون کی رضا تراختورون اصلی و بؤیوک تیمینده حامد لک کیمی غیر بومی اویونچولاری ذخیره‌ده ساخلاسین. انشا آلله.
رضا سلامی بؤیوک آتاسی درویش‌علی عمی، قارداشی مسعود و آتاسی‌نین بنری ایله برابر
آللاه موفق ائلسین رضا قارداشی
چاربورجلولار بیر یانا چاتاندا چوخ سئوینیرم . و بو کی همشه و هر یئرده باشیمیز اوجالیر
salam . icazəyizinən bu xəbəri çaburcun davələr site’ına qordum
وحید بی سیزین اوچون اجازه لازم دئییل. چوخ سئوینه‌ریک پایلاشساز. آما کلی اولاراق اوجاق’ین مطلبلرینی پایلاشماق آزاددیر. ساده‌جه قایناغین (منبع) قید ائدیلمه‌سینی ایسته‌ریک.