بولود عمی و یونس زرگری‌نین ماجراسی
بولود عمی
گؤردویوز کیشی بولود عمی‌دیر. بولود عمی‌نین ایشی مسافر داشیماق‌دیر. بیرگون سحر چاغی یونس زرگری، بولود عمی‌نین ماشینی بیر آیلیق پوسوندوز کندینه گئتمه‌یه دربست دانیشیر. گویا یونس عمی پوسوندوزون شیلاتیندا بیر ایش تاپمیش ایمیش و هر گون سحر تئزدن گرک اورا گئده‌یمیش. بئله اولور بولود عمی هرگون یونس زرگری’نی چاربورج‌دان گؤتوروب پوسوندوزه آپاریر و آخشام‌لار دا پوسوندوزدن چاربورجا گتیریر.
گون لر گئچیر آی باشی چاتیر و شیلاتین مهندسی گلیر یونس بَی ایله حساب کیتاب ائله‌سین. شانسین یوخلوغوندان مهندس ده اصفهانلی چیلیس بیر فارس ایمیش. بیراز قیتمیرلیق ائله‌ییب یونس’ه آز پول وئریر. یونس بَی ده باشلاییر اعتراض ائله‌مه‌یه:
“بخدا من فراوان کار کرده ام! این پول اصلا نمی بیند! بخدا من یک ماه با ماشین اَبر دربست آمده‌ام! اَبر خودش شاهد است!”
یازیق مهندس چاش-باش قالیر گؤره‌سن اَبر کیمدیر! و یونس’ین منظورو اَبردن نمنه‌دیر. مهندس آخیر جانا گلیب دئییر: ابر کیه؟ یونس دئییر “مگر ابر را نمی شناسی” و بارماغیلا بولود عمی‌نی گؤرسَدیر!
سن دئمه یونس دئییر بلکه بیری‌نین آدی تورکو اولسا اونو دا گرک فارسی‌یا ترجمه ائله‌یه‌سن!
یونیس عمی (دوربینه باخان) شهرداری‌نین دیَرلی چالیشان‌لارینداندیر.
بلی دوستلار! بو ماجرا نه قدر گولمه‌لی اولسا دا او قد آجی‌دیر. تورکی دیلی‌نین رسمی اولماماسی باعیث اولور بولود کیمی گؤزل تورکی آدلار رسمی فضایا یول تاپا بیلمه‌سین و یاواش یاواش اونودولسون (یاددان چیخسین).
