هجر خانیمین دئیلاغی‌نین اود توتماسی!
قدیم زامان‌لار چاربورجون شاغی طایفالاری داغا گئتمه‌یه خاطیر دوَه ساخلاردیلار. کند اهالی‌سیندن بیر نئچه شخصین دوَه‌سی اولارمیش. بو دوه‌چی‌لرین بیریسی ده رحمتلیک “هجر” خانیم ایمیش. دوه‌چی‌لر ایچینده قایدا ایمیش بونا گؤره کی دوه‌نین بالاسینا (دئیلاغا) بیت دوشمه‌سین، اونا قره نفت سورتَردیلر.
بیر گون هجر خانیم دئیلاغینا قره نفت سورتوب قویون سوروسو ایله بیرلیک‌ده چؤله آپاریر. دئیلاق چؤلده قویون-قوزو ایله برابر اوتلاییر و آخشام چاغی ائوه گلمک زامانی چاتاندا یازیق دئیلاق چوبانین یاندیردیغی اوجاقین یانیندان گئچنده اود توتور بیله‌سین. دوه‌نین بالاسی اود توتان همین کووویوب (کویویوب) کنده ساری قاچماغا باشلاییر. بوحالدا رحمتلیک ایرضا قولو عمی (رضاقلی) و اوغلو جعفر عمی تندیر باشیندا اوتورموشدولار کی بیردن-بیره پنجره‌دن گؤرورلر کی بیر بؤیوک اود پارچاسی قاچا-قاچا بونلارا ساری گلیر!
رحمتلیک ایرضا قولو عمی دئییر: جعفر قاغا بو هاوادی نه هاوادی!؟ هووادی نه هووادی!؟ بالادی نه بالادی!؟ حتما الله طرفیندن بیر بلادی کنده گلمک ایستیر یا دا کی جین‌دن شایاطین‌دان‌دیر بئله اویان-بویانا قاچیر و هئچ باشا دوشمورلر جریان نه‌دیر آنجاق چوخ پیس بیر وضعیت‌ده قورخوب گیزله‌نیرلر. سورالار کنده خبر دوشور کی هجر خانیمین دئیلاغی اود توتموش‌ایمیش.
