قوربان عمی‌نین معمارلیق ماجراسی!

اکینچی - قوربان عمیقوربان عمی چاربورجون یاخجی اکینچی‌لریندن بیری‌دیر. نئچه ایل بوندان قاباق قوربان عمی تصمیم توتور معمارلیق (بنّالیق) ایشینه باخسین. قوربان عمی‌نین بو ایشده آز-چوخ مهارتی وار ایمیش و بیر نئچه چؤل چارداغی‌نین و داوار کؤمونون معمارلیغین دا ائتمیش ایمیش.

بئله اولور قوربان عمی قارداشی رحمتلیک جعفر عمی‌نی ده گؤتوروب ایشه چیخیرلار. چوخ دولاناندان سونرا بیری تاپیلیر بونلارا بیر ایش وئرسین. قرار اولور قوربان عمی گیل بو شخصه بیر دیوار قویسونلار. قوربان عمی ایله رحمتلیک جعفر عمی ایشه باشلاییرلار و دیواری اوجالدیرلار. بونلارین ایشی قورتولان زامان باخیب گؤرورلر دده وای دیوار ایری دیر و اَن قریبدیر شوملاسین. قوربان عمی نین ایکی اَلی بیر تپه‌سی اولور و دئییر اَلیمیز بوشدا قالاجاق. بو حالدا دیوارین بئلی بیراز دا اَیریلیر. دیوار شوملایاندا تئز دیواری دوتوب قویماییرلار آشسین. قوربان عمی دئییر “جعغر قاغا سن بئلیوی دایاگینان دیوارا، دیوار یاتماسین، من تئز قاچیم ایشله‌دیگیمیزین پولون آلیم! یوخسا دیوار شوملاسا بیزه پول وئرمزلر!!!”

نئچه آیلار بو ماجرادان کئچیر و قوربان عمی‌گیل چوخ تمرین ائلییرلر داها دیوارلاری اوچماسین. شانسان بیر آیری آدام دا تاپیلیر بونلارا بیر ایش وئرسین. بو دفعه قرار اولور قوربان عمی‌گیل  بیر یونجا-سامان آمباری (انباری) قویسونلار. قوربان عمی گیل سئوینجک ایشه باشلاییرلار و کرپیج-کرپیج  آمبارین دیوارلاری اوجالماغا باشلاییر. بو دفعه اؤزلرینه گوونیرلر کی دیوارلاری دوز چیخیب، آما بیردن-بیره باشا دوشورلر کی آمبارا قاپی قویماییب لار!!!

بو ماجرالاردان سونرا قوربان عمی قاییدیر و اکینچی‌لیک ایشین داوام وئریر. آما او یئنه ده ماجراسیز قالمیر. بونلارین دا تعریفی آیری گونلره قالسین.

بلکه بو یازی‌لاری دا سئوه‌سیز!

2 جاواب

  1. Vəhid Bacarıqlı گفت:

    بیر دفعه‌ده بنّالیق ایشینه باخسایدیلار امین اولون موفق اولاردیلار 🙂

  2. بابک گفت:

    بوبئله بیرکیشی کی دوواری ائیری تیکیب،…… پولون آلئب قاچسئن کی رحمتلیک ……….. دی.
    قوجا….،میللتین ایشینه فیکیرلشمکدن،ائوزپولونافیکیرلشیر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *