اوروجلوغون اوتوزونجو گونونون دوعاسی
30. اوروجلوغون اوتوزونجو گونونون دوعاسی
اللهمّ اجْعَلْ صیامی فیهِ بالشّکْرِ والقَبولِ على ما تَرْضاهُ ویَرْضاهُ الرّسولُ مُحْکَمَةً فُروعُهُ بالأصُولِ بحقّ سَیّدِنا محمّدٍ وآلهِ الطّاهِرین والحمدُ للهِ ربّ العالمین
آللاهیم! بو گون اوروجومو بَیهنیلمیش و قبول اولموش اوروجلاردان قیل، سنین و رسولونون سئودییی بیر اوروج، داللاری (بوتالاری – شاخهلری) کؤکلره دایالی؛ مولامیز محمد و اونون آری-دورو اؤولادینین حاققینا! و بوتون اؤوگولر (حمد – ستایش) دونیالارین ربی اولان آللاها اؤزلدیر.
29. اوروجلوغون ایگیرمی دوققوزونجو گونونون دوعاسی
اللهمّ غَشّنی بالرّحْمَةِ وارْزُقْنی فیهِ التّوفیقِ والعِصْمَةِ وطَهّرْ قلْبی من غَیاهِبِ التُّهْمَةِ یا رحیماً بِعبادِهِ المؤمِنین
آللاهیم! بو گون منی رحمتینه بورو، و بیلهمه باشاری ایله عصمت سون (وئر)، اورهییمی تهمت قارانلیقلاریندان آریت، ای ایناملی قوللارینا مهربان اولان!
28. اوروجلوغون ایگیرمی سککیزینجی گونونون دوعاسی
اللهمّ وفّر حظّی فیهِ من النّوافِلِ واکْرِمْنی فیهِ بإحْضارِ المَسائِلِ وقَرّبِ فیهِ وسیلتی الیکَ من بینِ الوسائل یا من لا یَشْغَلُهُ الحاحُ المُلِحّین
آللاهیم! بو گون نوافیلدن (مستحب عمللردن) منیم پاییمی چوخالت و دیلکلریمین سونوجلانماسیلا (نتیجهلنمهسینه) منه کرامت قیل، سنه دوغرو اولان آراجلار (وسیله) آراسیندان منیم آراجیمی یاخینلات، ای یالوارانلارین اصراری باشینی قاتمایان.
27. اوروجلوغون ایگیرمی یئددینجی گونونون دوعاسی
اللهمّ ارْزُقْنی فیهِ فَضْلَ لَیْلَةِ القَدْرِ وصَیّرْ أموری فیهِ من العُسْرِ الى الیُسْرِ واقْبَلْ مَعاذیری وحُطّ عنّی الذّنب والوِزْرِ یا رؤوفاً بِعبادِهِ الصّالِحین
آللاهیم! بو گون قدر گئجهسینین فضلینی منه پای وئر و ایشلریمی چتینلیکدن راحاتلیغا یؤنَلت، عوذورلریمی قبول ائت و سوچلا آغیرلیغی قالدیر اوزَریمدن، ای یاخشی قوللارینا (بندهلرینه) شفقتلی اولان.
26. اوروجلوغون ایگیرمی آلتینجی گونونون دوعاسی
اللهمّ اجْعَل سَعْیی فیهِ مَشْکوراً وذَنْبی فیهِ مَغْفوراً وعَملی فیهِ مَقْبولاً وعَیْبی فیهِ مَسْتوراً یا أسْمَعِ السّامعین
آللاهیم! بو گون چابامی (تلاشیمی) جزالاندیر و سوچلاریمی باغیشلانمیش قیل و ایشلریمی قبول ائدیب عیبلریمی اؤرتورولموش قیل، ای ائشیدهنلرین ائشیتگَنی.
25. اوروجلوغون ایگیرمی بئشینجی گونونون دوعاسی
اللهمّ اجْعَلْنی فیهِ محبّاً لأوْلیائِکَ ومُعادیاً لأعْدائِکَ مُسْتَنّاً بِسُنّةِ خاتَمِ انْبیائِکَ یا عاصِمَ قُلوبِ النّبییّن
آللاهیم! بو گون منی اولیالارینی سئون و دوشمانلارینا دوشمان و سونونجو پیغمبرینین گلهنکلرینه (سنتلرینه) اویان کیمسهلردن قیل. ای پیغمبرلرین اورکلرینی قورویان!
24. اوروجلوغون ایگیرمی دؤردونجو گونونون دوعاسی
اللهمّ إنّی أسْألُکَ فیه ما یُرْضیکَ وأعوذُ بِکَ ممّا یؤذیک وأسألُکَ التّوفیقَ فیهِ لأنْ أطیعَکَ ولا أعْصیکَ یا جَوادَ السّائلین
آللاهیم! بو گون سنی راضی ائدن نسنهلری (شئیلری) ایستهییرم سندن و سنی اینجیدَن نسنهلردن سیغنیرام (پناه گتیریرم) سنه و سنه اطاعت ائتمک و عصیان ائتمهمک اوچون سندن باشاری دیلهییرم، ای دیلهینلره الی آچیق داورانان.
23. اوروجلوغون ایگیرمی اوچونجو گونونون دوعاسی
اللهمّ اغسِلْنی فیهِ من الذُّنوبِ وطَهِّرْنی فیهِ من العُیوبِ وامْتَحِنْ قَلْبی فیهِ بِتَقْوَى القُلوبِ یا مُقیلَ عَثَراتِ المُذْنِبین
آللاهیم! بو گون منی سوچلاردان (گوناهلاردان) یویوب، عیبلردن آریت (تمیزله)؛ سینا (امتحان ائله) قلبیمی اورکلرین تقوالاریلا، ای سوچلولارین یانلیشلارینی گؤرمزدن گلن!
22. اوروجلوغون ایگیرمی ایکینجی گونونون دوعاسی
اللهمّ افْتَحْ لی فیهِ أبوابَ فَضْلَکَ وأنـْزِل علیّ فیهِ بَرَکاتِکَ وَوَفّقْنی فیهِ لِموجِباتِ مَرْضاتِکَ واسْکِنّی فیهِ بُحْبوحاتِ جَنّاتِکَ یا مُجیبَ دَعْوَةِ المُضْطَرّین.
آللاهیم! بوگون اردمینین (فضیلتینین) قاپیلارینی آچ اوزومه و برکتلرینی ائندیر منه، سنی سئویندیرن نسنهلره (شئیلره) منی باشاریلی قیل! منی جنتلرینین اورهیینه یئرلشدیر، ای آرادا قالانلارین چاغیریشینا جاواب وئرن.
21. اوروجلوغون ایگیرمی بیرینجی گونونون دوعاسی
اللهمّ اجْعَلْ لی فیهِ الى مَرْضاتِکَ دلیلاً ولا تَجْعَل للشّیْطان فیهِ علیّ سَبیلاً واجْعَلِ الجَنّةِ لی منْزِلاً ومَقیلاً یا قاضی حَوائِجَ الطّالِبین.
آللاهیم! بو گون موتلولوقلارینا دوغرو منه بیر قیلاووز (راهنما) قیل و منه دالاشماق اوچون شیطانا یول وئرمه و جنتی دینجهلیش یوواسی و یئرلشیم یئری قیل. ای ایستهینلرین ایستهیینه یوخ دئمهین!
20. اوروجلوغون ایگیرمینجی گونونون دوعاسی
اَللّـهُمَّ افْتَحْ لى فیهِ اَبْوابَ الْجِنانِ وَاَغْلِقْ عَنّى فیهِ اَبْوابَ النّیرانِ وَوَفِّقْنى فیهِ لِتِلاوَةِ الْقُرْانِ یا مُنْزِلَ السَّکینَةِ فى قُلُوبِ الْمُؤْمِنینَ
آللاهیم! بو گون اوزومه آچ اوچماغین (جنتین – بهشتین) قاپیلارینی و قاپات بیلهمه آلوولار قاپیلارینی و قرآن اوخوماغا منی باشاریلی (موفق) قیل، ای اینانانلارین اورهیینه دینجلیک (آرامش) ائندیرن.
19. اوروجلوغون اون دوققوزونجو گونونون دوعاسی
اللّـهُمَّ وَفِّرْ فیهِ حَظّى مِنْ بَرَکاتِهِ وَسَهِّلْ سَبیلى اِلى خَیْراتِهِ وَلاتَحْرِمْنى قَبُولَ حَسَناتِهِ یا هادِیاً اِلَى الْحَقِّ الْمُبینِ
آللاهیم! بو گونون برکتلریندن پاییمی بول ائله و یولومو قولایلاشدیر (آسانلاشدیر) خیرلرینه یئتیشمهیه و یاخشی ایشلرین قبول اولماغیندان اَلیمی کسمه، ای آچیق آیدین حاققا یول گؤسترن!
18. اوروجلوغون اون سککیزینجی گونونون دوعاسی
أَللّهُمَّ نَبِّهْنی فیهِ لِبَرَکاتِ أَسْحارِهِ؛ وَ نَوِّرْ فیهِ قَلْبی بِضِیآءِ أَنْوارِهِ وَخُذْ بِکُلِّ أَعْضآئی إِلَی اتِّباعِ آثارِهِ بِنُورِکَ یا مُنَوِّرَ قُلُوبِ الْعارِفینَ.
آللاهیم! منی اویات بو گون، دانلارینین (سحرلرینین) برکتلرینه و اورهییمی آیدینلات دانلار ایشیغینین ایشینلاریلا، و قوللوغونا آل بو گونون ایزلرینی ایزلهمهیه بوتون عضولاریمی، ایشیغینین حاققینا ای عاریفلرین کؤنلونو ایشیقلاندیران.
17. اوروجلوغون اون یئددینجی گونونون دوعاسی
اَللّـهُمَّ اهْدِنى فیهِ لِصالِحِ الاَْعْمالِ وَاقْضِ لى فیهِ الْحَوآئِجَ وَالاْمالَ یا مَنْ لا یَحْتاجُ اِلَى التَّفْسیرِ وَالسُّؤالِ یا عالِماً بِما فى صُدُورِ الْعالَمینَ صَلِّ عَلى مُحَمَّد وَ الِهِ الطّاهِرینَ
آللاهیم! بو گون منی یاخشی ایشلره دوغرو آپار، گرکلریمه و آرزولاریما قوووشدور، ای آچیقلاماغا و سورماغا احتیاجی اولمایان، ای دونیاداکیلارین اورکلرینده اولانی بیلن، محمد (ص) و آری–دورو اهل بیتینه اسنلیکلر (سلام) گؤندر.
16. اوروجلوغون اون آلتینجی گونونون دوعاسی
اللهمّ وَفّقْنی فیهِ لِموافَقَةِ الأبْرارِ وجَنّبْنی فیهِ مُرافَقَةِ الأشْرارِ وأوِنی فیهِ بِرَحْمَتِکَ الى دارِ القَرارِبالهِیّتَکِ یا إلَهَ العالَمین.
آللاهیم! بو گون منی یاخشی اینسانلارلا یولبیر اولماغا باشاریلی قیل و کؤتو (پیس) اینسانلارین یانداشلیغیندان اوزاقلاشدیر و رحمتینله بیلهمه (ابدی) یئرلشیم ائوینده یئر وئر. تانریلیغینین حاققینا ای دونیالارین تانریسی.
15. اوروجلوغون اون بئشینجی گونونون دوعاسی
اللهمّ ارْزُقْنی فیهِ طاعَةَ الخاشِعین واشْرَحْ فیهِ صَدْری بإنابَةِ المُخْبتینَ بأمانِکَ یا أمانَ الخائِفین.
آللاهیم! بو گون آلچاق کؤنوللولرین طاعتینی منه پای وئر و آچیق اورک اینسانلار کیمی دؤنوش یاپماغا کونلومو گئنیشلَت، آمانینین حاققینا ای قورخانلارین گووهنی.
14. اوروجلوغون اون دؤردونجو گونونون دوعاسی
اللهمّ لا تؤاخِذْنی فیهِ بالعَثراتِ واقِلْنی فیهِ من الخَطایا والهَفَواتِ ولا تَجْعَلْنی فیه غَرَضاً للبلایا والآفاتِ بِعِزّتِکَ یا عزّ المسْلمین.
آللاهیم! بو گون منی آیاق سویروشمهلریندن اؤترو یارقیلاما و یانلیشلیقلاریملا خطالاریمدان گئچ. بیلهمی یازیقلیقلارا و بلالارا آماج ائتمه، عزتینین حاققینا ای موسلمانلارین عزتی.
13. اوروجلوغون اون اوچونجو گونونون دوعاسی
اللهمّ طَهّرنی فیهِ من الدَنَسِ والأقْذارِ و صَبّرنی فیهِ علی کائِناتِ الأقْدارِ و وَفّقْنی فیهِ للتّقی و صُحْبةِ الأبْرارِ بِعَوْنِکَ یا قُرّةَ عیْنِ المَساکین.
آللاهیم! بو گون منی پیسلیکدن و کیرلردن آریتلا، و قاچینیلماز اولایلارا قارشی منی دؤزوملو قیل، تقوالی اولماغا و یاخشی اینسانلارلا یولداش اولماغا باشاریلی ائت (موفق ائله)، یاردیمینین حاققینا ای یازیقلارین گؤز ایشیغی.
12. اوروجلوغون اون ایکینجی گونونون دوعاسی
اللهمّ زَیّنّی فیهِ بالسّتْرِ والعَفافِ واسْتُرنی فیهِ بِلباسِ القُنوعِ والکَفافِ واحْمِلنی فیهِ علی العَدْلِ والإنْصافِ وامِنّی فیهِ من کلِّ ما أخافُ بِعِصْمَتِکَ یا عِصْمَةَ الخائِفین
آللاهیم! اؤرتو و عفتله سوسله (زینت وئر) منی بوگون، گئیدیر ده بیلهمه الده اولانا یئتینمک و قناعت پالتارینی و یوللاندیر منی عدالتله انصافا دوغرو؛ قورخدوغوم بوتون نسنهلردن (شئیلردن)، گوونده (امنیتده) ساخلا بیلهمی، عصمتینین حاققینا ای قورخانلارین قورویانی.
11. اوروجلوغون اون بیرینجی گونونون دوعاسی
اللهمّ حَبّبْ الیّ فیهِ الإحْسانَ وکَرّهْ الیّ فیهِ الفُسوقَ والعِصْیانَ وحَرّمْ علیّ فیهِ السّخَطَ والنّیرانَ بِعَوْنِکَ یا غیاثَ المُسْتغیثین.
آللاهیم! یاخشیلیق ائتمهیی سئودیر بیلهمه بو گون و پیسلیک ائتمکله سوچو آجیت. اؤفکهنی و اوتو منه یاساق قیل. یاردیمینین حاققینا ای چاغیرانلارین سس وئرهنی.
10. اوروجلوغون اونونجو گونونون دوعاسی
اللهمّ اجْعلنی فیهِ من المُتوکّلین علیکَ واجْعلنی فیهِ من الفائِزینَ لَدَیْکَ واجْعلنی فیهِ من المُقَرّبینَ الیکَ بإحْسانِکَ یاغایَةَ الطّالِبین.
آللاهیم! بو گون منی سنه توکل ائدنلردن و سنه گؤره موتلولوغا (خوشبختلیک) چاتانلاردان و سنه یاخین اولان کیمسهلردن قیل. احسانینین حاققینا ای آرایانلارین (آختارانلارین) سون آماجی.
9. اوروجلوغون دوققوزونجو گونونون دوعاسی
اللهمّ اجْعَلْ لی فیهِ نصیباً من رَحْمَتِکَ الواسِعَةِ واهْدِنی فیهِ لِبراهِینِکَ السّاطِعَةِ و خُذْ بناصیتی الی مَرْضاتِکَ الجامِعَةِ بِمَحَبّتِکَ یا أمَلَ المُشْتاقین
آللاهیم! بو گون گئنیش رحمتیندن منه پای وئر، و پارلاق بورهانلارینلا بیلهمه یول گؤستر، منی آلیب دا ان قاپساملی (گئنیش) موتلولوغونا گؤتور، محبتینین حاققینا ای ماراقلیلارین آرزوسو.
8. اوروجلوغون سککیزینجی گونونون دوعاسی
اللهمّ ارْزُقنی فیهِ رحْمَةَ الأیتامِ وإطْعامِ الطّعامِ وإفْشاءِ السّلامِ وصُحْبَةِ الکِرامِ بِطَوْلِکَ یا ملجأ الآمِلین
آللاهیم! بو گون اؤکسوزلره (یتیملره) مرحمت ائتمهیی، و یئمک یئدیرمهگی و آچیق آیدین سلام وئرمهگی و دیَرلی اینسانلارلا اوتوروب دورماغی منه پای وئر! الی آچیقلیغینین حاققینا ای آرزولایانلارین سیغیناغی (پناهی).
7. اوروجلوغون یئددینجی گونونون دوعاسی
اللَّهُمَّ اَعِنّی فیهِ عَلی صِیامِهِ وَ قِیامِهِ ، وَ جَنِّبنی فیهِ مِن هَفَواتِهِ وَ آثامِهِ، وَ ارْزُقنی فیهِ ذِکْرَکَ بِدَوامِهِ، بِتَوْفیقِکَ یا هادِیَ المُضِّلینَ
آللاهیم! بو گونده اوروج توتوب، عیبادته دورماغیم اوچون منه یاردیم ائت (کمک ائله)، و منی بو گونون گوناهلاریندان و چاشمالاریندان اوزاقلاشدیر . بو گونده اؤز باشاری سونماغینلا سنی آنیمساماغی (ذکر – یاد) سورکلی اولاراق منه پای وئر. ای ایتمیشلرین یول گؤستریجیسی.
6. اوروجلوغون آلتینجی گونونون دوعاسی
اللهمّ لا تَخْذِلْنی فیهِ لِتَعَرّضِ مَعْصِیتِکَ ولا تَضْرِبْنی بِسیاطِ نَقْمَتِکَ وزَحْزحْنی فیهِ من موجِباتِ سَخَطِکَ بِمَنّکَ وأیادیکَ یا مُنْتهى رَغْبـةَ الرّاغبینَ.
آللاهیم! بو گون منی یالنیز بوراخما، سنه قارشی ایشلهدیگیم سوچلاردان (سوچ: گوناه) اؤترو! و سایمامازلیق قامچیسیلا (قامچی: شلاق) بیلهمی وورما! اینجیدیگینه سبب اولان شئیلردن اوزاقلاشدیر منی! سونسوز لوطفون و نعمتلرینین حاققینا، ای دیلهینلرین اَن اوستون دیلَگی (دیلک: ایستک، آرزو)!
5. اوروجلوغون بئشینجی گونونون دوعاسی
اللهمّ اجْعَلْنی فیهِ من المُسْتَغْفرینَ واجْعَلْنی فیهِ من عِبادَکَ الصّالحینَ القانِتین واجْعَلْنی فیهِ من اوْلیائِکَ المُقَرّبینَ بِرَأفَتِکَ یا ارْحَمَ الرّاحِمین.
آللاهیم! بوگون منی باغیش دیلهین، ساغلام و سؤزه باخان بندهلریندن و سنه یاخین اولیالریندن قیل! شفقتینین حاققینا ای مرحمتلیلرین ان مرحمتلیسی!
4. اوروجلوغون دؤردونجو گونونون دوعاسی
اللهمّ قوّنی فیهِ على إقامَةِ أمْرِکَ واذِقْنی فیهِ حَلاوَةَ ذِکْرِکَ وأوْزِعْنی فیهِ لأداءِ شُکْرَکَ بِکَرَمِکَ و احْفَظنی فیهِ بِحِفظْکَ وسِتْرِکَ یـا أبْصَرَ النّاظرین
آللاهیم! بوگون امرینی یئرینه یئتیرمک اوچون منی گوجلندیر و ذکرینین شیرینلیگینی منه داددیر، و کرمینله حاضیرلا منی بو گون شوکرونو ادا ائتمک اوچون و بو گونده اؤز ساخلاییشین و اؤرتونله منی ساخلا، ای باخانلارین ان بصیرتلیسی.
3. اوروجلوغون اوچونجو گونونون دوعاسی
اللّهمَّ ارزُقنی فیهِ الذّهنَ وَ التَّنبیهَ وَ باعِدنی فیهِ مِنَ السَّفاهَةٍ وَالتَّمویهِ واجعَل لی نصیباً مِن کُلِّ خَیرٍ تُنزِلُ فیهِ بِجُودِکَ یا اَجوَدَ الاَجوَدینَ.
آللاهیم! بو گون منه دوشونجه و آییق-ساییقلیق (هشیارلیق) عطا ائله! یارامازلیقدان و قورنازلیقدان منی اوزاقلاشدیر. و بو گون ائندیردیگین بوتون خیرلردن منه پای وئر! ای سخاوتلیلرین اَن سخاوتلیسی.
2. اوروجلوغون ایکینجی گونونون دوعاسی
اَللّهُمَّ قَرِّبْنی فیهِ اِلى مَرضاتِکَ ، وَ جَنِّبْنی فیهِ مِن سَخَطِکَ وَ نَقِماتِکَ ، وَ وَفِّقنی فیهِ لِقِرائَةِ ایاتِِکَ ، بِرَحمَتِکَ یا أرحَمَ الرّاحمینَ.
آللاهیم! بو گون منی اؤز راضیلاشدیقلارینا یاخینلاشدیریب، اؤفکه (عصبانیت) و عذابیندان اوزاقلاشدیر. بو گونده منی اؤز آیتلرینی اوخوماغا باشاریلی قیل (موفق ائله)، رحمتین حاققینا ای مرحمتلیلرین اَن مرحمتلیسی!
1. اوروجلوغون بیرینجی گونونون دوعاسی
اَللّهُمَّ اجْعَلْ صِیامی فیهِ صِیامَ الصّآئِمینَ، وَ قِیامی فیهِ قِیامَ الْقآئِمینَ: وَ نَبِّهْنی فیهِ عَنْ نَوْمَةِ الغافِلینَ، وَ هَبْ لی جُرْمی فیهِ یا إِلهَ الْعالَمینَ، وَاعْفُ عَنّی یا عافِیاً عَنِ الْمُجْرِمینَ.
آللاهیم! بو گون توتدوغوم اوروجو گئرچک (حقیقی) اوروج توتانلارین اوروجو کیمی و عیبادتلریمی، دوغرو عیبادت ائدنلرین عیبادتی کیمی قیل! بو گون اویات منی غافیللرین یوخوسوندان، و باغیشلا بو گون سوچلاریمی (گوناهلاریمی)، ای عالملرین تانریسی، باغیشلا منی ای سوچلاری باغیشلایان.
