مرحمت آباد بؤلگه سی ماتم و حیرت ایچینده/ بکتاشلی عائله نین 5 ئنجی عضوی ده دونیاسین ده ییشدی

IMG13452534

گئچن گونلرده مرحمت آبادین بکتاش کندینده بیر نفر گئجه یاریسی بو عائله نین ائوینه گیریب و چوخ آغیر بیر وضعیت ده ائو آداملاری نین هامیسین اؤلدولور. ائوین آتاسی-آناسی و ایکی اوشاغی یئرلرینده جان وئریر. آما ائوین بالاجا اوغلان اوشاغی اورمو بیمارستانینا گؤندریلیر. تاسف لر اولسون کی اودا نئچه گوندن سونرا دونن پنجشنبه گونو دونیاسین دئییشیر.

بئله لیک له منطقه میزده اولمایان بیر جنایت اوز وئریر. بو جنایت ده قاتیل 4یاشیندا قیز اوشاغینادا رحم ائله میر . بو اولای دان سونرا بوتون مرحمت آباد بؤلگه سی شوک و ماتم ایچینده دیر و روانی باخیمدان هئچ کیم بو فاجعه ایله کنار گله بیلمیر. ایشین لاب تعجب لی یئری بودور کی قاتیل بو خانواده نین بؤیوک اوشاغی ایله صمیمی یولداش ایمیش وحتی بیر یئرده ایشله ییرمیش لر.

قاتلین انگیزه سی بارَده هله رسمی بیر خبر درج اولونماییب آما قوشاچای انتظامی فرماندهی نین دئدیگینه گؤره شخصی مسئله لر بو ایشه انگیزه اولوب. قاتیل بو جنایت دن سونرا اؤزون اؤلدورمک قصدی ایله دامارین وورور. آما دیری قالیر و ایندی آرتیق تحقیات اوچون دوستاق دادیر.

هر نسه بئله بیر جنایت لرین سببی و علتی یالنیز شخصی مسائل اولابیلمز و یقین کی اجتماعی، و فرهنگی مسائیل و پرابلم لر ده بو ایشلره ندن اولا بیلر. امیدیمیز وار مسئوللاریمیز بو قضیه نین تهجه ظاهیرین پوزماسین لار و بو ایشین اجتماعی ندن لرینه ده دَیر وئریب و اونلاری پوزماغا چالیشسینلار.

اوجاق سایتی و یازیچی لاری درین بیر تاسفله بو عائله نین، قوهوم -دوستلارینا و بوتون بکتاش خالقینا باش ساغلیغی دئییب و بؤیوک تانری دان بو عزیزلره اؤزللیکله بو عائله نین بؤیوک قیزینا دؤزوم آرزولاییر. روحلاری شاد اولسون.

بلکه بو یازی‌لاری دا سئوه‌سیز!

بیر جاواب

  1. korkut گفت:

    چوخ دهشتلی بیر جنایت اوز وئرمیش، حقیقتا بئله بیر آجی اولایلاری اوزاقدان اوزاغا بئله دینله مک ده زوردور. آللاه اؤلنلره رحمت ائله سین قالانلارینادا صبر وئرسین.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *