چاربورج دا اولان یئر آدلاری
چاربورج دا چؤل-کؤوشن ین، خیاوانلارین و مختلف مکان لارین گؤزل قدیمی آدلاری وار. بو آدلارین بیرچوخو چاربورج منطقه سینین تاریخین و زنگین گئچمیشین اورتایا چیخاردیر. تزه ایللرده بو آدلارین چوخو اونودولوب و دئییشدیریلیب دیر. آد بیر منطقه نین هویتی و شناسنامه سی دئمک دیر. چاربورج و مرحمت آباد منطقه سینده چوخلو گؤزل یئر و مکان آدلاری وار بو آدلاری عزیز اوخوجولاریمیز توپلاییب بیزه گؤندریب و بؤلگه میزین زنگین هویتین قوروموقدا بیزه یاردیمجی اولوب لار. چاربورج اطرافیندا و مرحمت آباد بؤلگه سینده یاشایان حورمتلی کندلی لر ده بو ایشی گؤره بیلَرلر. آنجاق بو عزیزلرین ده توپلادیغی یئر آدلارین گؤزلَییریک.
آغالیق قاباغی(ایندیکی امام میدانی)
خرمن یئری(ایندیکی امام خیاوانی)
زنگانا(ایندیکی شهید مطهری خیاوانی)
قره چویلو/ حامام خیاوانی(ایندیکی شهید رجایی خیاوانی)
سئل باسار/قیپچاق خیاوانی(ایندیکی شهیدبهشتی خیاوانی)
شور گؤل(ایندیکی بالاچاربورج پارکی)
سئل باسار(ایندیکی شهدای دولت پارکی)
چاربورجون اکین یئرلری نین آدلاری:
کَروانسایا/ کروانسرا
ساوالان
حاسار آلتی
ترسه بره
هاچا بره
بولاق آرخی
آغ بره
دوز بره
آلازایان/آلازاران
تولکولر یوواسی
کَرخایاسی/ایکی آرخ آراسی
اسد چارداغی
باییندیر
قوم لار
گولوزار ایده لیگی
شاه آباد یولو/ قوش پوخو یولو
باغیر ایده لیگی
تپه دیبی
زینه بره
قافار گؤلو
مچید آرخی
بکداش دوزو
مشد احد یئری
سوموکلو
او بره
میرزه ماحمید آرخی
چین قره/ جین قره
قوبو
چیلیک کؤرپوسو
بؤیوک باغ
چینار
سد آرخی
ملیک قاناسی
شور آرخی
بوش دیبی/بورج دیبی
قالا قاباغی
قانلی بره
قالا دالی
قوروق یئری
کوله قوبو اوستو
اوبا یئری
تزه کند یئرلری
تویوخلولار
دولو دؤوَن
دوققوز خَلور
دایی یئرلری
آغداش ایده لیک لری
آجی قوبو
یئتدی دهنه لر
قره آغاشلیق/آغاجلیق
شاجی
قویو باشی/ائل قویوسو
جاهان گی یئری
قره کوللوک
چیمن سووات
چره جَلی یئرلری
شام/ شامات
پوسوندوز یئرلری
سایین دیلداشلار
سلام
چوخ دیرلی بیر سایتینیز وار، اللریز آغریماسین. منده، اؤز کندیمیز سهلان حاققیندا وئبلاگ آچمیشام. اونا گؤره، سیز چالیشدیغیز قونولارا ماراقلییام. ایمکانی اولسا ساوالانا گؤره بیر آز آرتیقراق توضیح وئرین. چونکو، بیزیم کنده ساوالاندا دئیرلر. (بیلدیگیز کیمی ساوالان داغیمیزدا وار.) سیز آد آپاردیغیز “ساوالان” آدلی اکین یئری نئجه بیر یئردی؟ هارادادی؟ معناسی نه دیر، سیزجه و کندلیلرجه؟
وار اولون
http://sinixkorpu.arzublog.com/
http://sinixkorpu.blogfa.com/
چوخ ساغ اولون حورمتلی یولداشیمیز، قدرت جنابلاری. وئبلاگینیزا باخدیق. چوخ اؤنملی بیر ایش باشلامیسیز. سؤزسوز کی ائلیمیزین زنگین فولکلور خزانه لرین توپلاییب مکتوب ائلمک چوخ دیرلی بیر ایش دیر. سیزه اوغورلار اولسون. بیزجه بو توپلادیغیز فولکلور یازیلارین وعکس لرین چاپ ائتمه لی سیز. بو ایشه ایمکان یارادان آذربایجان ائل بیلیمی مؤسسه سی دیر http://www.elbilimi.com/.
آما ساوالان حاقیندا بیلدیگیمیزه گؤره ساوالان کلمه سی ایکی بؤلومدن تشکیل تاپیر: ساو+آلان. ساو کلمه سی تورک دیلینده پیام معناسیندادیر و ایندیکی “ساواجاق” کلمه سی همان معنادا ایشله نیر. “آلان” سؤزو ایسه همان آلماق=گرفتن دیر. قدیم زامانلار آذربایجان کندلر و شهرلرینده بئله بیر یئرلر واریمیش کی چاپارلار ساو یا پیام لارین اورا چاتدیرارمیشلار و ملت اورادان ساو آلارمیشلار. بونا گؤره اورا ساوالان دئیرمیشلر. ایندیکی بؤیوک ساوالان داغی دا همین معنادادیر. نئجه کی بیلیریک زردوشت پیغمبرینه ساوالان داغیندا آلله طرفیندن وحی و پیام گلیر بونا گؤره او داغ ساوالانا مشهور اولور.
اوردا زردوشت گئدیب تانریدان ایلهامین آلانه
اییرم باش ساوالانه…اییرم باش ساوالانه…
سلام
دیرلی بیلگیلر و محبتیز اوچون چوخ-چوخ تشککور ائدیرم. عزیز قارداشیم، گؤزه ل چاربورجون اؤزه ل ساییسینین چاپ اولاجاغی خبرینی، من ائله قایغی کئش ائل بیلیمی مسئوللاریندان آلدیم. چاپ اولماسینی گؤردوکده، چوخ-چوخ سئویندیم. سیزه آلقیشلار اولسون. هابئله، من توپلادیغیم فولکلوریک یازیلارا گؤره ده ائل بیلیمیله قونوشدوم. تیلفون نومره نیزیده گؤتوردوم، اللریز آغریماسین.
آنجاق، چاربورجون “ساوالان” آدلی اکین یئرینه گؤره نئچه سئوالیم وار، جواب وئریلسه منیم اوچون چوخ فایدالی اولا بیلر:
1 او یئرلر دوزه نگاهدادی، یوخسا داغلیقدی؟ تپه اوستوندی یا یوخ؟
2 کنده یاخیندی یا اوزاق دیر؟
3 بیر گئنیش منطقه دی یا کئچیک بیر یئردی؟
4 کندلیلر اورانین آدینی دوز “ساوالان” تلفوظ ائدیر یا باشقا جور؟ اونلارین نظری بو آدا گؤره نمنه دی؟
وار اولون
چوخ ساغ اولون حورمتلی قدرت جنابلاری. ائل بیلیمی ایله ایلگیده اولماغینیز اوچون چوخ سئویندیم. ان شاالله کی سیزین کندینیزین ده اؤزل سایی تئزلیکله چاپ اولار.
آما سوال لارینیزا جاواب لار:
1-بیزیم بؤلگه بوتون جلگه و دوزگانلیق دیر. ساولان یئرلری ایسه دوز بیر یئرده دیر آما او یئرلرده قدیمی غیرطبیعی تپه لر وار کی خالق آراسی اونلارا “کودورو”/küdürü دئییلیر. بو کودورولردن مختاف باستانی اثرلرده تاپیلیر.
2-حدودا کنددن 2-3 کیلومتر آرالی دیر.
3-گئنیش بیر یئردی
4-کندلی لر دوز تلفظ ایله ساوالان دئییرلر. ساوالان یئرلری نین ایچینده بیر کروانسارا آدلی یئر ده وار. بو یئردن چوخلو سینیق ساخسی و اینسان ایزلری تاپیلیر. من اؤزوم اورادان قدیمی بیر دوه زینگیرووی تاپمیشام.
سلام
حؤرمتلی احمد جوادی جنابلاری
اولدوقجا تشککور ائدیرم. بیزیم کندده دوز بیر یئرده یئرلشیبدی و اورادادا ایکی غیر طبیعی و قدیمی تپه وار. احمد بی چوخ-چوخ باغشلایین، باشقا بیر سئوالیم وار:
سیزین بؤلگه نین لهجه سینده، “غ” حرفی “و” حرفینه تبدیل اولور یا یوخ؟ بیزیم کندده، سوغانا سووان، ساغ اولا ساو اول، اوغلانا اوولان، سوغزویا سووزو، دوغماغا دووماق دئییرلر. سیزین بؤلگه ده ده ائله اولور یا یوخ؟
ساغ اولون
چوخ ساغ اولون قدرت بی. بیزیم بؤلگه ده سن بویوردغون لهجه تغییراتی یوخدور. بیزیم لهجه میزده اساس تغییرات “ر” صامتی “ی” صامتینه تبدیل اولماق دیر. بونا گؤره ده اوجاق دا بیر یازی یازمیشام
http://www.ocaq.ir/2016/05/%d9%86%da%af%d8%a7%d9%87%db%8c-%d8%a8%d9%87-%d9%84%d8%ad%d8%ac%d9%87-%d9%87%d8%a7%db%8c-%d9%85%d8%ad%d8%a7%d9%88%d8%b1%d9%87-%d8%a7%db%8c-%d8%b2%d8%a8%d8%a7%d9%86-%d8%aa%d8%b1%da%a9%db%8c-%d8%af%d8%b1/
سلام
حؤرمتلی احمد جوادی جنابلاری
سیز یازدیقلاریزدان فایدالاناراق بو قونودا بیر یازی یازدیم:
ساوالان در چاربورج:
http://sinixkorpu.arzublog.com/post/70709
اللریز آغریماسین