چاربورج دا کؤرپه اوشاق لارلا باغلی اینام لار

اوشاق

اوجاق: چاربورج و هابئله آذربایجان تورک خالقینین ایچنده کؤرپه اوشاقلارلا باغلی گؤزل اینام لار وار. بو ایناملارین بیر چوخو هئله ده خالقیمیزین ایچینده یاشاماق دادیر.

-قدیم زامانلار کئچی توکوندن اوشاغا بلک باغی دوزلدرمیش لر کی اوشاق دیسگینمه سین

-بویلو(حامله) خانیم یوخودا قئیچی گؤرسه اوشاغی قیز دیر آما یوخودا پیچاق گؤورسه بیل کی اوشاغی اوغلان دیر

-ایده آغاجی گول آچان زامان کؤرپه اوشاغین آیاغی گَلر(اسحال اولار) بونا گؤره گرک دیر ایده گولوندن بیر سالخیم قوپاردیب اوشاغین الینه وئره سن. بو ایشی گؤرسن اوشاق دوزه لر

-اوشاغین بله گینه بالیخ قولاغی قویارلار کی اوشاغی قره باسماسین

کؤرپه اوشاغی بیرینجی دفعه چیمیزدیرنده بدنینه دوز سپرلر کی دوزلو اولسون!

-کؤرپه اوشاغین بوش ننلی سین ترپدسن اوشاق سانجیلانیب آغلیار

-قیرخلی اوشاغین(یاشی قیرخ گوندن آز اولان اوشاق) اوستوندن آتیلمازلار چونکی اوشاق اؤلر

-قیرخلی اوشاغین یانینا هر کیم گلسه گرک دیر او آدام ائوه گیرمه میش اوشاغی ائشیگه اونون آیاغینا چیخارداسان بو ایش اوشاغین اوستونه گلن سحری و جادولاری باطل ائدر و اوشاق سالیم قالار

-اوشاغین گؤبیین هارایا آتسان اورا باغلی اولار. معمولا چاربورج خالقی اوشاقلارینین گؤبک لرین مدرسه یه آتارلار کی درس اوخویان اولسونلار

-بویلو خانیم هر کیمدن تیکه یئسه(بیر میوه یا غذا) اوشاغی اونا اوخشار پس حامله خانیم لار گرک دیر هر آدامین الیندن تیکه یئمه سینلر مخصوصا پیس آدام لارین

-کؤرپه اوشاغین پئیسه یی دالیندان اؤپسن کوسه ین اولار

-کؤرپه اوشاغین باشی اوستونه قیچی قویارلار کی جین لر اونا توخونماسین

-اوشاغی سوپورگه ایله وورسان اوغورو اولار

-زاهی و سود وئرن خانیمین دؤشو گلسه(ممه سی شیشسه) اونو قورد اَلی ایله دیسگیندیرسن و دؤشونون اوستوندن چالسان دوزلر

-بیر نفرین اوشاغی پهلوان اولسا گرک دیر جیلی بارماغین سیندیرسین یوخسا اوشاق اؤلر

بلکه بو یازی‌لاری دا سئوه‌سیز!

4 جاواب

  1. SEWDA گفت:

    چاربورج دا کؤرپه اوشاق –لارلا باغلی اینام لار
    قسمت دوم گنگ بود متوجه نشدیم

  2. SEWDA گفت:

    لینک کانال تلگرام را بزارید

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

WordPress spam blocked by CleanTalk.