چاربورج‌دا آندلار
آند ایچمک هر بیر میلتین لاب چوخ معنوی ارزشی اولان ماتریالاردان تشکیل تاپیر. بیر میلتین آند ایچدیگی ماتریاللار او میلتین یانیندا لاب چوخ دیری اولان مسائل دیر. بونا گؤره بو آندلاری برسی ائلمک سبب اولور کی کئچمیش دن ایندیه کیمی بیر میلتین اینانجلارین و دینی و معنوی دوشونجه لرین اله آلیب اونلارلا تانیش اولا بیله سن. اؤرنک(مثال) اولاراق چاربورج خالقینین آندلارین منیمسه ییب یازاندا بو خالقین آیری تورک خالق لارینا تای اودا، ایشیغا، آیلا گونشَ و آتا آنایا بؤیوک سایغی و احتراملارینی گؤره بیلیریک. آشاغیدا گتیردییمیز آندلار چاربورج خالقینین ایچینده یاشایان آندلاردان دیر:
آند اولا یئدیگیمیز دوز-چؤرگه
آلله ین آدینا آند اولسون
نه یه دئییرسن آند ایچیم
ایشیقا آند اولسون
مچید حاققی
ننه مین سودونه آند اولسون
ایکی گؤزومدن اولوم
گئجه دن سحره چیخماییم
پیغمبر حاققی
ویجدانیما آند اولسون
شرفیم حاققی
آند اولسون او چیراغا
آند اولسون بو چاغین(وقتین) صاحبینه
دده مین گورونا آند اولسون
گئتدیگیمیز یولا آند اولسون
حق سلامیمیزا آند اولسون
آند اولسون دده مین روحونا
اودا آند اولسون
دینیم حاققی
گونشَ(گونه) آند اولسون
گؤیده کی آیا آند اولسون
باشیوا آند اولسون
قند کیمی گؤزوم آغارسین
آرپا-بوغدایا آند اولسون
ابولفضل آند اولسون. قرآنا آند اولسون!
هوشنگ بی بوردا اون دؤرد معصوم(ع) و بیر چوخ مذهبی شخصیت لری ده یازماق اولار آما نمونه اوچون تهجه پیغمبر(ص) یازیلیب. بیرده بو یازینین هدفلریندن بیری میلتیمیزین اجتماعی یاشاییشیندا اولان غیر مذهبی بیر آندلاری سئچیب یازیب و تانیماق دیر.