گونشین سولان اوره‌یی (شعر) – احمد جوادی

احمد جوادی چهاربرج، سایت اوجاق، سایت شهر چهاربرجآددیم آتیرام من گونَشین سولان اوره‌یینه

بلکه یانسین بیر دوشونجه‌مین سولان یارپاغینا

آتدیم آتیرام من گونشین سولان اوره‌یینه

بلکه اَریتسین دوشونجه‌می دونداران یاساق بوزلارینی…

آخی یالنیز اؤزوم‌دن دئییل بو سؤزوم

یوخسا دونوبدور اینسانلیغا دوشونن دوشونجه‌لر

و سولوبدور اوشاق روحوندا یارانان سئودا باغ‌لاری

داها معناسیزدیر قلمین شن باخیشی عؤمور دفترینده

دویغولار قان آغلاییر “اؤگئی آنالارین” بئشیگینده

داها لای-لای سَسی یاتیتماییر گئجه‌لری…

داها یاتماییر گئجه‌لر

گونشین یوخلوغوندا سالیر قارا اؤرتوگون گئجه‌لر

“وطن” آدیندا بیر گلینین باشینا

“خوروز” بانلاماییر داها

و یوخودان دورماییر ائلیمین ویجدانی…

مورگولو ویجدانیم یاتان غیرتیم‌له ساواشا-ساواشا

آددیم آتیرام من گونشین سولان اوره‌یینه…

آنجاق آلیشماسا منیم دردیم‌دن

قورویان قامَتیمی

خزَل اولان دوشونجه‌می

یاندیراجایام

اؤزوم گونش اولاجایام…

اؤزوم گونش اولاجایام…

بلکه بو یازی‌لاری دا سئوه‌سیز!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *