محرم آیی گلدی
محرمین ایکینجی گونو (بوگون) – چاربورج
هیجری قمری ایلی‌نین بیرینجی آیی اولان محرم آیی گلدی. محرم اسلام دینینده حرام آی‌لاردان حساب اولونور. عرب فرهینگنده بو آیدا ساواشماق حرام ایمیش.
اسلامین شیعه مذهبینده محرم هر شئی‌دن چوخ امام حسین (ع) نهضتی و کربلا واقعه‌سینی یادا سالیر. شیعه مسلمانلار بو آیین ایک اون گونونده عزادارلیق ائدرلر.
چاربورج اهالیسی آیری شیعه مذهب‌ده اولان مسلمان بولگه‌لر کیمی محرم آییندا قارا گئیینیب، محمد مصطفی‌نین بالالاری‌نین ظلم آلتیندا توکولن ناحاق قانینا متاثر و غملی اولوب، عزادارلیق ائدرلر.
شیعه مسلمانلار دسته‌لر تشکیل وئریب، سینه ووروب، عاشورا نهضتیندن درس آلماغا چالیشارلار. اونلار یاشایش‌لاریندا امام حسینی الگو توتوب، ظلم و عدالت‌سیزلیگه قارشی “هیهات من الذله” شعاریندان تبعیت ائدرلر.
عاشورا مکتبی و کربلا نهضتی، هر شئی‌دن چوخ ظلم‌دن ایراق اولماق، آزاد یاشاماق، عدالت‌سیزلیک‌له ساواشماق پیامی وئریر.
اوجاق سایتی اولاراق عزیز اینانجلی اوخوجولاریمیزا، محرم آییندا معنوی، فایدالی و معتدل عزادارلیق آرزولاییریق.
محرم حسینین آییدیر
حسین آزادلیق گؤرکمی دیر !
گؤر نه گؤزل سؤزدور حسین بن علی دن:
دونیادا دین یز اولماسا آزادلیق یز اولسون
توكه براي شهر انتقاد داشتي سايت تو هم مرد و خوابيد.
مانند مسئولي كه مياد اولش با شور و شوقه سايت توهم مانند اين مسئولانه
مسئول قارداش بو سایت هله اؤلمه ییب و گوجلو یاشاماغینا داوام وئرجک