چاربورج خانیم‌لاری‌نین بادیمجان قئینتمه‌سی (شکیل)
یئرینه دوشموش و گؤتورمه‌یه آماده اولموش روب (بادیمجان مرباسی)
هر ایل یای فصلی‌نین آخیرلری و پاییز فصلی‌نین اول‌لری گلیب یئتیشنده چاربورج خانیملاری بادیمجان قئینتمه و روب (بادیمجان مرباسی) دوزلتمه ایشلرینه باشلارلار.
چاربورج کیمین یئرلرده کی بادیمجان اَکیمی هر ایل اولار، آماده روب آلماق چوخ آز اولار و چاربورج خانیملاری اؤز احتیاج‌لارینی اؤزلری تامین ائلرلر.
اوجاق سایتینا گؤندریلن عکس‌لرده روب پیشیرمه ایشلرینی آددیم – آددیم گؤره بیلرسیز:
روب پیشیرمک اوچون آلا-گؤی بادیمجان دئییل، قیپ-قیرمیزی بادیمجانی سئچمک لازیمدی.
بو یئتیشمیش بادیمجان‌لار نئچه گون قالمالی‌دیلار کی قشنگ گیژله‌نیب، پؤرتسونلر. تا بو کی اَزیلمک فرآیندینه آماده اولسونلار.
چاربورج خانیملاری بادیمجانی بو شکیلده تَلیسین ایچینده ازیب، سویون چیخاردارلار. اصیل قئینتمه‌لی اولان بادیمجانین اؤزو دئییل، بلکه سویودو.
سورا اوجاق قوروب، بؤیوگ بیر قازاندا بادیمجان سویونو قئینتمک مرحله‌سی اولور.
بادیمجانی او قدر قئینتمک لازیمدی کی مربا حاصیل اولسون.
ایسته‌نیلن کیفیت و غلظت‌ده مربامیز (روبّوموز) حاصیل اولمایانا قدر، قازان قئینه‌مه‌لیدیر. چاربورج خانیملاری بعضا یاریم گون، بعضا ده بیر گون قازان باشیندا دورمالی اولارلار.
چاربورج خانیملاری آماده اولونموش و کامل پیشمیش روبّو، بئله قابلارا دولدوروب، ایل اوزونو سرین بیر یئرده ساخلارلار و لاریم اولدوقجا گؤتوروب ایشله‌درلر. نیازلاریندان ایضافه قالانی دا اولسا، قوهوم-قونشویا پای وئررلر.
ایران دا فابریکالارین کیفیت سیز و تهلیکه لی،بونا گؤره تهلیکه لی کی؛ مختلف إسانس لار آرتیرارکن إستانداردا چاتمایان روبلاردان سا،وار اولسون آنالاریمیزین مقدس أللری بو قدر بویاقلی و دادلی طاملی روبلار بئجه ریپ پیشیریرلر.دوغرودان دا عشق اولسون آنالاریمیزا.
یاماندا گؤزل رنگی وار