چوبانین سایاق یوخوسو (طنز حیکایه)

chobanگؤردویونوز اوغلان عیسی‌دیر. چوخ دا یاخجی اوغلان‌دیر، سحر آدامی بیر قرینج یئره قویاجاق لار!

یالان نه واجیب، بیر گون عیسی یولداشی روستم ایله گئجه‌نی چؤلده داوارلارینین یانیندا قالیرلار. گئجه‌نین بیر یاریسی روستم یورولوب یاتماق ایستییر اما یاتماقدان اؤنجه گرک عیسی‌نی یوخودان اویاتسین تا او کئشیک وئرسین. آما عیسی بَی یوخودان دورماق ایسته‌میر! آخی اونون یوخوسو چوخ آغیریمیش. بیراز گئچیر روستم  گؤردویونوز اولاغین (ائششک) نوخداسینی یاواشجاسینا عیسی‌نین قیچینا باغلاییب، دؤنوب اولاغاین کؤندم‌لی یئریندن بیر یاخجی آغاج چکیر….

گؤزونوز بلَا گؤورمه‌سین، آی دوستلار! ائشک عیسی نی سورویور شوخوم‌لوغا. یازیق قره گونلو عیسی دا ماجرادان خبرسیز قورخودان دَلی آداملار کیمی چیغیرماغا باشلاییر… ائششک ده بونون چیغیریلتی‌سیندان کویویوب بیراز دا گوجلو قاچیر… یازیق عیسی قارانلیق چؤلده دئییر بلکه جین‌دن شایاطین‌دان دیر بونو سوروتله‌ییر جانینی آلسین!

بو ماجرادان بو یانا عیسی بَی سایاق یاتماغی لاب یاخجی  بیچیمده اؤیرَنیر. حلالی اولسون!

بلکه بو یازی‌لاری دا سئوه‌سیز!

2 جاواب

  1. کیمسه دئسه بَیَنمَدیم چوخ اینصافسیز آدامدیر . چوخ گؤزل سایتیدی . بو سایت چاربورجا موبارک اولسون . یاشامالیسیز

    • ocaq گفت:

      چوخ ساغ اولون وحید بی نظریز اوچون. بو سایت منطقه‌میزین واقعی و بومی فرهنگی اوستونده ایشله‌مک ایستیر. چوخ سئوینه‌ریک کی سایتی هامییا معرفی ائله‌یه‌سیز.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *