جان درمانی ایسته‌سز ده بو توکاندا وار!
سؤزسوز کی چاربورجون بیر دَنه مشهور و جالب نمادلاریندان بیری بخشی عمی‌نین توکانی‌دیر. هئچ بیر چاربورج‌لونو تاپا بیلمزسن کی بو توکان‌دان گؤزل خاطره‌سی اولماسین و یا بو توکانا بیر شی آلماق اوچون گلسین آما اَلی بوش قاییتسین.
چاربورج خالقی‌نین ایچینده بخشی عمی‌نین توکانی بؤیوک بیر محبوبیت صاحبی‌دیر. حتی بو توکان چاربورج‌لولارین ایچینده اوزون ایل‌لردیر بیر نئچه چاربورجا مخصوص اولان خالق دئییمی و ترمینی ده قازانیب. او جمله دن چاربورج‌لولار ایچینده مثل دیر دئیرلر: بخشی عمی‌نین توکانیندا جان درمانی ایسته‌سن ده وار. و یا، بخشی عمی ده یوخدو یوخدو! و یا، بو توکاندا آدامدان سورا هر شی تاپیلار!
هر یئرده بیر خاص وسیله تاپیلماسا هامی قاچار بخشی عمی‌نین توکانینا. بو توکاندا بلکه ده نئچه مین‌دن آرتیق جور به جور وساییل وار. سیچان داواسیندان توت تا مال زینجیری، تَبَنه چووال، اویونجاق (اسباب بازی)، سوپر مارکت وساییل‌لاری، اَکین‌چی‌لیک آلت‌لری، باشماق (تورکیه باشماغی)، ائو وساییل‌لاری و بالیق توماق اوچون قلّاب دا وار.
بخشی عمی یه اوجاق سایتی طرفیندن اوزون عؤمور، جان ساغلیغی، و اؤز ایشینده گونو گوندن پیشرفت و برکت آرزو ائله‌ییریک.
آللاه سنی بیزه چوخ گؤرمه‌سین بخشی عمی!
بخشی عمی‌نین باشی پاپاق‌لی (بؤرک‌لو) عکسی اولسایدی بتَر اولاردی.
خداوند سلامتی بهش بده
سلام سوژه جالبی انتخاب کردی دونفرشرط می کندبرن دکان مشه بخشی که بپرسن که پالان خرداره یانه جالبه بخشی عمومیگه یوسف ازبالادکان یه پالان بده به اینا
ساغول دومرول. گؤزل بیر حیکایه دی.
چوخ گوزل